العشق في عنينا كتاب مفتوح
تقلب صفحاته المواجع وقلة البوح
كاظم غيظه في كل النوادي منين مايروح
ماتسبوني أعبر عن شوقي دا أنا بيه مجروح
دا الشوق في قلبي ناطق والفؤاد بيه مدبوح
دا أنا كل ماطل في عيون حبيبي باتنفض ويا الروح
جوارحي مكبلة ولساني ملجم بالحروف
عايز أقوله باحبك لكن مين يسمحلي ما أنا في الأمر مغلوب
ياناس شوفولي منفذ أسمعوا قصيدة شوقي منين مايروح
دا هواه بقا سلطاني وصار عزيز الروح
دا حبيبي طيب ومتنهدم والخجل منه يفوح
عبير هوا صافي يطيب جمال الروح
13/8/2023
♡♡
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة