خايف وحسب خوفي شجاعه
وضحك على شان مابين لناس
وصلي الصبح والظهر جماعه
لأني من النوع ذي حساس
أنا ونفسي ساعه بي ساعه
ساعه افرح وساعه بسباس
وساعه قوم لله دعوة و طاعه
وساعه أمضيها فرحه و إيناس
وساعه تشوفني بين القطاعه
وساعه مابين تفكيرا وسواس
الفكر دوخني لما نطرحت بقاعه
والحلم يطعني مثل رمح جساس
ماعاد لي على قومه ستطاعه
وانا مابين حنون وهلاس
وشد ضهري الوجع يشتي اشاعه
والرجل من الهروله مليانه احلاس
رميت مجاديف الزمن و شراعه
لاحظ صادفني ولا رزق غلاس
يالله على طريق شعب رباعه
ولا ع المجارين داري جبل راس
امشي طريق المضبيه معا خزاعه
وطلع على العساكره بجو نسناس
و ازور دار الكرم اهل و سباعه
داري جبل راس الأصل و ساس
وضرب لها تحيه سمعاً و طاعه
يقولها سليمان سالم بكل إحساس
وختم على محمد لنيل شفاعه
صلو عليه سداس وسباع وخماس
٢٠٢٣/٤/٢٥م
ك«سليمان سالم عبدالوهاب محمد»
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة