××××××××××××××××××××××××××××××××××××××
وحيرجع خير الريف والبنادر ويا الليلة الكبيرة والعالم كثيرة والاحترام
والفلاحين ويا الصعايدة والحكاية حتبقى فل وأخر تمام
واللى جى من القنال جايب فى أيدة الرشايدة والبورسعيدي بيحضن العريشي لضبط الإيقاع ومسك الزمام
وحنفتح عنينا وناكل ملبن ونحقق كل المشاريع و الأحلام
ونوعى أقووى لجيوبنا ليبقى العيب عيبنا مش عيب ولاد الحرام
وفينك فينك من الحرامية اللى بيسرقوا الكحل والقوت من الغلبان وبيسرقوا العمر وفرحة الأيام
××××××××××××××××××××××××××××××××××××××
هو المولد خلص؟ ولا حيرجع زى زمان؟
×××××××××××××××××××××××××××××××××××××
ووسطن إيدك وسطن خد حقك من اللى أكله و أنت تعبان و شقيان
حمص حمص والبعض بيرقص علشان يوصل ويبقى اُولعبان
والطعمية ويا اللوز والعجمية بقيت غالين علينا و ع الغلبان
والأرجوز بيطنطط زى الفرئعلوز وشمال ويمين وبيلطش فينا وفي كل مكان
وياحضرة الأرجوز قلى مين اللى ولع فى سعر الكوسة و البتنجان
أمدح نبينا وصلي علية والهليبة لسة بتنفخ فى النار و الدخان
ومخلية سعر اللحمة والطماطم جنان فى جنان
وأمشى على طول حتلاقى أدارة أسألهم شقة الفول بقت بكام في زمن أسعار الغليان
×××××××××××××××××××××××××××××××××××××××
هو المولد خلص؟ولا حيرجع زى زمان؟
×××××××××××××××××××××××××××××××××××××××
ولما تلقيك بتقزقز لب أعرف أنك تهت وضعت يا أنسان
يا حضرة العمدة قلى طريقة سهلة ووصفة هايلة ننزل بيها سعر الدولار للجنية عشان المواطن الغلبان
مع السلامة مع السلامة يابو بدلة رسمى ياللى بتظبط كل الأتزان
وفريرة يامواطن وعصفورة ياحليلة
وطراطير من غير علشان
وفي السيرك شجيع حيطير منك الهم والأحزان
والسمك مقلى وسعره عالى وغالى والغالى ثمنه في نار التوهان
والفشة والمبار زى سعر اللحمة وزيادة كمان
وأسعى أسعى اسعى خدلك صورة مع صاحب الدكان
×××××××××××××××××××××××××××××××××××××××
هو المولد خلص؟ولا حيرجع زى زمان؟
×××××××××××××××××××××××××××××××××××××××
ويا سى عجورة النار ماهى خسعة النار حامية وبتلسع وبتكوي كل موظف نسيان
وناس من بلدنا هناك أهم جايين وشادين على بطنهم حزام الجوع للجوعان
والحضرة والذكر أشتغل ياللى بينا ننسى هموم غرق الغرقان
وصاحب المقام جالى فى المنام لحل مشاكلنا ومشاكل التوهان
يانور النبى يانور النبى دة حمامة بتسبح ربها وتفك السحر ولعنة الجان
ياأم المطاهر رش الملح ع الصحة وعلاجنا اللى بقى نار سعره هزيان فى هزيان
ونقيد الشمع لاولادنا ونفوت ونحمى المستقبل من نار البركان
بالذمة دة أسمة كلام عدى علينا سنين من البؤس والفقر والنهجان
واحد مذنوق والكل مصري حاضر جايلك في السر بالكتمان
صحوني من النوم قلت حى يمكن نزرع من ثانى أرض الهجران
××××××××××××××××××××××××××××××××××××××
هو المولد خلص؟ولا حيرجع زى زمان؟
××××××××××××××××××××××××××××××××××××××
مسا التماسي ياريس حنتيرة سمعنا دة كلامك كلة حكم وزينة
وحساب الشاى عند مين يا دقدق وحساب التعميرة
ياغزال ياغزال دة الشاى بقى سعره نار والسكر داب من غير مية تروينة
والعشق حلال والحال أصبح عال
والدنيا بتاخد ما بتدينة
يارب ياعالم بالحال تهدى حبيبنا ونرجع زى ما يوم مارسينة
وقف ياريس حنتيرة فى ناس هناك ما بتسأل على شاى ولا أكل للأكيلة
وضربها طناش فى طناش ولا بتسأل البايع عن ورقة التسعيرة
اة اللى حيطلب راح ينجز واللى مايطلبش راح تبقى أموره ملطوشة
يا اللى بينا يا مسعد قبل الحال ما يبقى زيطة وزمبليطة
الليلة الفرجة تساوى جنية والجنية مابقاش له قيمة أبن الآية
ملت فوق إيده أحبها والصناعة هى الحل للمشكلة
××××××××××××××××××××××××××××××××××××××
هو المولد خلص؟ولا حيرجع زى زمان؟
××××××××××××××××××××××××××××××××××××××
أبو شنب بالسيما صرخ وقال هلى هوب وبقى نجم المهرجانات
والكل أتكرب حوالية وصراع الفن أتلخبط فى الشقلبظات
ونمبر وان هو الشاطر وبيعرف يطبخ كل الطبخات
والأسد جة تسقيفة أمال تشجيعة أمال للفن اللى أنتهى ومات والسيما والتلفزيونات
وبنات قمرات زى الشربات والتعليم فى بلدنا بقى متشقلب شقلبظات
أوعد يارب أوعد ودنيتنا تبقى حلوة وعال العال ونعدى كل الأزمات
وأنا طار فى الهوا شالى وغطى عيوب المناطق والعشوئيات
وهفهف علية هوا العصارى وأتثبت ع الدايرى يا غالى وسرقوا منى كل الحاجات
ورينا القوة وبكل مروة وأحمى حياتنا من النهب والسرقات
من يقدر على ذق الطارة ويضرب فى العبارة وبكل ثبات
وسع وسع دنا كلى شطارة والبدلة نضيفة من القذرات
ياولاد الحلال الكل تايهة فى المولد وناسى فن القدرات
زحمة ياولداة كم مواطن تاة فى لقمة العيش والأنشغالات
قبة سيدنا الولي دول زينوها بإعلام الغش والمفسودات
×××××××××××××××××××××××××××××××××××××××
هو المولد خلص؟ولا حيرجع زى زمان؟
×××××××××××××××××××××××××××××××××××××××
تم أستعارة بعض الجمل والكلمات من أوبريت(الليلة الكبيرة )لذا لزم التنوية
×××××××××××××××××××××××××××××××××××××××
أديب وشاعر مهندس/ محمد عوض
22/4/2023
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة