طباعة ونشر وتوزيع ، ظهور إعلامي ، ورش أدبية
*****************
شاف ولاد الاصول بيهم الزمن بيتسلى
وعلا على كتافهم هلفوت من اصله اتبرى
واستعجب الكلام كيف جاهل امرهم اتولى
************************
سكنوا كبار المقام الترب والمقابر
وولد الاصول تلاقيه على المر صابر
ووسط سكك الغلب اهو بيكابر
ويقول مسير رب العباد للخاطر جابر
***********************
زرع الارض الاساس اهو دلف وبار
والرخيص كلامه كما ضرب النار
لا همه مقام ولا يعرف يصون عار
والزمان الردى قهوته ساده وطعمه صبار
***********************
الزمن من غير اصول بقى عيشة متعابه
والناس بتقطع فى بعضها وكأنها فى غابه
وعديم الاصل الناس مسكاله طبلة و ربابه
اشترك بالعدد الجديد من مجلة القلم الورقية
للتواصل والاستعلام / 0020102376153 واتساب
تقلانه كفة القرش ومنداسة اخلاق الطيابه
************************
تبص فى عيون الخلق تلاقى النظره سهتانه
واللى يتكلم الحق فى زمنا تلاقى كلمته متهانه
وقصاد ضيق الحال تعمل ايه الناس الغلبانه
لو بالاصول تلاقى كل الخلق كرامتها متصانه
************************
وقف قطر الكلام عند الاصول وحلم واتمنى
مش كل كلمه فوق كلمه تنفع تتقال وتتغنى
والاصل اللى اقصده بالاخلاق مش اسامى تتسمى
ولا عمره كان بهدمة غالية وعبايه على الكتف تترمى
************************
الاصل والاصول والدنيا والدين محسوب بالاخلاق
ولاعمره كان نسب واسامى وجرد مكتوب فى اوراق
ولمايتعوج الزمن مايتحسبش أصيل للى ركب وساق
فصلوا على اليتيم اللى من مقامه انحناله البراق
*********************
بقلمى منصور ابو عبدالله
قطر الكلام
1
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة