***************************
وبقول لو يعني هنا كلامي
راح ييجي بفايد أو عايد
لو أن ال ..... تطلعنا
وفى عرض البحر وترمينا
وتنزل أعلان عن غايب
بالنت وبرضك في القنوات
يامعلم وفى كل جرايد
( عن شعب تغيب عن وطنه
تارك لهمومه هنا وسايب
الفقر مع الجوع بيناشدك
من غيرك مالناش حبايب
والقهر مع الذل الأبدي
من دونك عايشين فى خرايب
والمر اللي بحلق بدونك
هيدوب طاب فين ويكون دايب
والحزن حزين هنا لغيابك
مالهوش مكان ولا له نايب
والهم بيلطم من غيرك
هيصاحب مين زيك طايب
أرجع لأصحابك وحبايبك
من بحري ولحد حلايب
دي حياتهم من غيرك ضلمه
ولا ليهم أهل ولا قرايب
والنور لعنينا ده كان أنتو
مهما لقيتوا منا مصايب
اللي هيلقاه له منينا
أحلى مكافئه ورحلة لفايد؟؟ )
بقلم.. ياسر فؤاد الجدي
الثلاثاء .. ٩/٥/٢٠٢٣
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة