رمضان الديب يهتف : أنا شاعر

                          —------

أنا شاعر وشعرى هواية         لا واخده سبوبة ولاغاية

لابجرى من أجل الشهرة         ولا بأدفع ألفات لدعاية

                          أنا شاعر

                          —-----

أنا شاعر بأحس مشاعر        أكتبها سهل أو واعر

بأعيش عيشة مجتمعى          لفضل ربى أنا شاكر

                        أنا شاعر

                        —-----

الشاعر يربى الأخلاق         وقيم كما أمر الخلاق

توافق عادات مجتمعة          يجملها بالحاء والباء

                      أنا شاعر

                      —-----

أبتدعوا قال مهرجانات      رقص ودربكة وآهات

لا مبادئ فيها ولاحاجة      الأدهى عرى وخلاعات

                     أنا شاعر

                     —-----

الشاعر أشعاره هى       أحاسيس العامة العربية

 يتمتع الناس بكتابته      لا يتقاضى جنيه ولا 100

                    أنا شاعر

                    —-----

الشاعر يبنى مجتمعة      بمبادئ من دمه ودمعه

لا مسؤول حالياً سامعه    ولا ثقافة جمعت جمعه

                   أنا شاعر

                  —------

أنا شاعر الكل حبيبى     لو رحت ندوة فمن جيبى

كتابتى لازم أدعمها        أماالطبع فأنا ونصيبى 

                   أنا شاعر

                   —-----

كتبت لبلدى مغنى         ممتاز المضمون والمعنى

أتمنيت أنه يتغنى          قالوا تدفع أو موش منا

                   أنا شاعر

                  —-------

حسيت هنا هو مكانى       فيه أحباب تتعدى زمانى

فيه ناس صح بتكتب        كلها دورها دور إنسانى

                     أنا شاعر

                     —----

أنا شاعر من حقى أحلم     الناس من حلمى تتعلم

بقيمنا وأخلاقنا ح نبنى      والله مراقبنا ويعلم

                       أنا شاعر

                       —-----

شعورى الكل معاية         فى نفس الأهداف والغاية

وعشان طولت عليكم         أشكركم والليلة كفاية 

                      أنا شاعر