********************
مش هارد عليك خلاص
مش هاشوفك زي ناس
بعد ما قلبي جمد وداس
مش هانادي تاني ليك
لما اشوفك والمس ايديك
لما تعرف يوم مكاني
والدموع تسكن عنيك
انت حاضر مني راح
ايوه ماضي وهم وجراح
رحت زي ماراحو قبلك
في النهايه بقول سماح
الحقيقه صبحت ماضي
كنت وهم وكنت راضي
كنت حاجه مش فاكرها
كتاب جميل سطره فاضي
بس كان شكله....جميل
يحكو عنه بدون دليل
وانت من شوقك لفرحه
تجري فورا عايز تشيل
والنهايه فيه مكان
تتوه وماتلاقيش مكان
تحكي ناس كتير عليك
تحكي على غدر الزمان
والنهايه خلاص ياناس
قلبي عدي قلبي داس
كله ماضي ياقلبي انسي
الحب وهم مالوش اساس
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة