***************************
لو صاحبك راجل ف بمليون
من ناس مالهاش خالص عازه
أعداد بليمون وياميت حزون
أعرف لبنات وكمان ستات
ومواقف ليهم جباره
في شهايد بس أناث لكن
أعمالهم تشهد رجاله
فالنوع مش فارق يامعلم
يشهدلي ميدان وثواره
أختار للناس على ده المقياس
واترك للباقي في طواله
صاحب لأصيل تلقاه كنخيل
يطرح بالخير وجريد زانه
يدخل وعشانك وسط النار
وبأيده يشدك وسنانه
لو يوم محتار تلاقيه مسمار
على بابك واقف بأترابه
يهديك لطريق وابدا مايعيب
وفى قلبه ودايما على باله
على عكس الدون واعمال الدون
يرميك فى النار وتجيه الحاله
لا يراعي معروف ولا عنده كسوف
والناقصه بتغلب أفعاله ..
بقلم .. ياسر فؤاد الجدي
الأثنين .. ١/٥/٢٠٢٣
مهداه للأخ والصديق الأستاذ آدم السيد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة