...................
حصيدك ع.بيدرك من الشمس شاخ
و انت قاعد قملك . تفقس . تفلي
الكل ضبضب شعيرو مع الاقماح
تينك يبس و قرقد على المسطاح
يمكن العصافير تينه الك ما حتخلي
قوم لرزقك عزماتك بعدن ملاح
كافي على الناس متظلم ومتجني
بالبيت مسبات و شتم و صياح
وصوتك على مرتك واولادك تعلي
عنزاتك جاعوا قوم فيهن سراح
ولا..بدك نعوره و نخش بالمسلي
خليك ع. دخان وعرق وصب قداح
ولعب طرنيب وقعده مع الشلي
كيف بدك ولادك يكونوا مناح
وانت قدامه دخان وسكر وعربده
و عايشين بفضلك عيشة القلي
....... ....... ....... سعيدالحكيم
ابو اسامه.
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة