طباعة ونشر وتوزيع ، ظهور إعلامي ، ورش أدبية
وش الزمن كرمش
مرسوم عجوز بخطوط
عكازه يدوب سنده
ماسك يومه ف يده
قاطع لصوره وصوت
معرفش مين فيهم
ع حيله كان ساند
ولاحيله موروط
ولسه بيعاند
كام هزه ف يده
مرعوشه م الوحده
كل الظروف جاحده
وزمره اخره تووت
ولت سنين شابه
صبحت سنينه سبه
ضهره صبح قبه
وبترينه فيها عارضه
عضم وسنان محطوط
تاه النظر منه
اشترك بالعدد الجديد من مجلة القلم الورقية
للتواصل والاستعلام / 0020102376153 واتساب
وهو ال كان شواف
ف الماضي كان جامد
دلوقتي بقي خواف
خايف من الطوبه
وحساب لدحديره
خايف من الزحمه
ومن هوسه الديره
ع جنب بيسند
وماشي جنب الحيط
ساب ع الحيطان بصمه
لشقوق تهد البيت
قاصد يقول انا هو
يالي ناسيني
ده ال كنت وكنت
وكنت واد جني
شاف الرضيع الحال
زعق الرضيع واتخض
وسواده راح وابيض
وقف وقال راجع
دم البشر ساجع
دايره وماليها بدال
راجع اعيش سني
بلا دنيا ومواجع
وشماته م الاندال
بقلمي/محمود.عفيفي دومه
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة