لو كنت صاحب بيت
خليك رحيم
و لو مستأجر
خليك فهيم
الخير يعم و يكفينا
و الكل يبقى عال
بس بلاش يبقى إستغلال
خلى الأمور تبقى الوسط
و الكل يتراضى و ينبسط
لا نرفع قوي في قيمة الإيجار
و لا حد ينكوي بالنار
و ربنا عالم بالأسرار
بلاش نيجي ع المستأجر
أو صاحب البيت اللي يأجر
ما الكل عارف نار الأسعار
و إن كان مستأجر أو صاحب الدار
الكل عليه مصاريف و عيال
و الناس بتعاني ضيق الحال
يعني بلاش يبقى إستغلال
القانون بينظم حياتنا
بس ساعات قوانين ظلمتنا
هى سبب دلوقتي في أزمتنا
يا ريت نعلي قانون المحبة
و نراعي حبة يا ناس عشرتنا
و بلاش نفرح فينا عزال
و كفاية نظلم بعضنا يا أخوال
بقلم / " أيمن إبراهيم أحمد خضير - مصر"توقيع / " ايمن ابراهيم آل خضير "
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة