وحياتك يا أم عيون خضرا تقوليلي دموعك ليه بتسيل
ليه بتخافي ليه من بكره وبيجري في أرضك نهر النيل
قيدي شموع الفرحة وإطوي الحزن بطرحه
جاي بكره نهاره جميل
النهر بيجري وجاي ملهوف علي شطينك وعلي الصحرا
بيبشر وعيونك هتشوف اللؤلؤ والمرجان بكره
وحلف شجرك بحياة نهرك بشروق شمسك بنسيم ضله
جايلك جيل يطلع بيكى قمرك يغنيكي عن العالم كله
قيدي شموع الفرحة وإطوي الحزن بطرحه
جاي بكره نهاره جميل
والدنيا ما تعرف فجر نهار الشمس بتشرق في جبينك
وتحولي جنة أرضك نار لو جت تدخلها عدوينك
والعلم خرج للدنيا ولف من جواكي يا أم الأهرام
واللي بيقروا الفنجان والكف خلوكي تخافي من الأيام
قيدي شموع الفرحة وإطوي الحزن بطرحه
يا مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة