هو فى زيك يا أمى
هو فى غيرك ينمى
كل إحساسى بوجودك
حتى إسمى
رغم إنه يوم ميلادى
شالو إسمك
بس صورتك
فى ملامحى
شايله فرحى
ف لون خدودك
هو مين زيك يا أمى
إنت دايما جوه دمى
انت وشمى
انت حلمى
انت واقع
عاش ف علمى
إنت شمعه
إنت دمعه
جوه عينى
ليها لمعه
دمعه أحيانا بتدمى
بس ياما كتير بتحمى
لما كنتى بالأمل
كنت تحينى ف موتى
كنت حنجرتى وصوتى
كنت أحيانا سكوتى
هو دا حالك يا أمى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة