على لسانك بقلم محمد البنهاوى __________________

جانى الهرم خجلان

والرمله سمعانا
والصحره صوتها بعيد
 والنغمه ويانا

رق الحنين والشوق
والكلمه لغنانا
هوبا الحبيبه هناك
 والحرف غنانا

بسمه بعيده هناك
كل الودان عرفاها
عرفه الوداد طراح
والحب بيجينى
يملا الجنينه غرام
 وعيونها ليه بعيده

عند الهرم مفتكرك
تحت الرمال مفتكرك
بين الحروف مفتكرك
ساعه الالم بكتبلك
كلمه وهوبا حنين
شريان وتاج قلبى
قلبى اللى كان ف الطين
وخضاره من زرعك
مياه وشجره وبيت
 وحبيبى واللمه

ساعه العصارى انا رنيت
والقلب بيدارى
كلمه وزحمه ف بيت
 وحيطانه بتلالى

كتب حرفى على لسانى
كلمه وعارف انها وحشاكى
اكيد قلبك رق خجلان
 لكنى ياعينى سهران

وماشى جوه ف جفونك
الاقى نومى بيخونك
وينسى المعادولحظه عناد
اتوه واكتب حرف واسمه
عنوانك
هرم واسمه على لسانك
#البنهاوى