💓 عبد العظيم كحيل 💕 💟تحياتي من طرابلس لبنان 💟 😍ما بدها زعل 😘

طباعة ونشر وتوزيع ، ظهور إعلامي ، ورش أدبية

ألّو يا صاحبي شو رأيك نِتْرَوَءْ😎
بَعِدْنا على لحم البطن😎
رد عليه وآلّو 😐
إيشّ عليه مِتِل ما بدك يا خَيي😊
شو جَاي عَبَالَك😎
شو رأيك بالمَنَاقيش😎
آااه... آاااه... والله جَبْتها😉
شو بْجِبْلَك😎
ألّو لا تِخْبِصها كتير😞
مابتعرف الرسول شو أوصى😑
المعدة بيت الداء👍💖
ثلث للطعام🍜🍰🍎
وثلث للماء💧🍹☕
وثلث للهواء💨💨💨
شو ما بتعرف؟! 😕
طيب...طيب... شو بْجِبْلَك😎
ألّو منقوشة بزعتر👍
منقوشة جبنة✌
منقوشة جبنة مع الزعتر👌
كم حبة لحم بِعَجين 👐
كَمَان فطاير السَبَانِغ 👐
لا بد مِن كَم حبة فطيرة سِلِق 👐
بس شو بدنا نتحلى😎
جيب صحنين كْنَافة 👍
إاااايه.. إاااايه...والله حزرت😉
و شو رأيك بِزْنُود ألسِتْ 😎
مع كَام قطعة حلويات مْشَكَل🍮🍧
طيب... طيب متل مابدك👍
والمشروب يا حَبُوبْ 🍹🍸
شوف شو بدك تشرب 😎
ما بدي إلا سلامتك 😌
بشرب مي💧💧💧
ليش يا حَبُوبْ... بَدْنَا نشرب 😎
حبيبي ليش ما بتعرف😆
المشروبات كلها🍸🍹
فيها سكر... كتير...كتير...✋✋
الكباية فيه تْمِن ملاعق سكر🍹🍹
شُبَكْ لا تعمل مِن الحبة قِبَه😎
لا والله ما بِصير بَدَكْ تشرب😎
طيب جبلنا مشروبات دَايْت🍸
بتعرف هالايام عامل رُجيمْ✊
والله العظيم بالصدق😌
ما عَمْ بَاكُل كْتير😢
محتار منين هَلْكِرِش مِتْدَنْدَل😭
بِقُولوا لا بد إنك تتحرك 🏃⚽
مايصير تاكل وتقعد👍👍
وانا بتحرك كتير شو بدي اعمل😦
بنزل بالأسَانْسِير... بِكْرَه الدرج😱
تصور بمشي للكراج😔
وبسوق السيارة 🚗
بالمحل ما بتحلى الجلسة😍
بدون الشيبس والمكسرات🍪🍬🍭
وجارنا القَهْوَجي بِعَمِرْلِي الأرغيلة😅
مع فنجان القهوة ☕🍵

اشترك بالعدد الجديد من مجلة القلم الورقية للتواصل والاستعلام / 0020102376153 واتساب

منجلس و منْبَطِش😒
ومنِنْسَى هموم الدني😄
ومنْطَنِش و إنت بتعرف😏
بهل الايام يلي بِطَنِش بِفَرْفِش😂
بِحِبْ الغدا خفيف 😈
سمكة حرة محشية مكسرات🐟🐠
معمولة بالفرن🔥
مع فروج مَحْشي🐔🍗
مع كام سيخ لحمة غنم على كَيْفَك🍡🍢
مشوية على الفحم🔥
العَشَا حَواضِر من البيت🏠
كَم بيضة مع شوية لبنة🐣🍲
قرص شنكليشة بلدية👌
شوية جبني قبرصية👍
رغفين خبز على الصَاج🍞🍞
منِشْوي شوية بطاطة حلوة🍠🍠🍠
منِتْسَلَى بالمكسرات إلاكِسْترا😶
وعالفَرْشة على طول بنام 😴
الأولاد بعد العَشَا👬
على النت والتلفزيون 📺📱📡
إن حَدَا أَلِي يازلمي حرام عليك✋✋
ارحم نفسك مبارح كنت بالمستشفى 😷
معك الضغط والسكري👾
على الله مابموت الا بِيَومِي💀
بتْرَجَاكم ما حَدا يسألني👊👊👊
أنا حر بَاكُل شو ما بَاكُل انا حر👋👋
لي عندوا نصيحة يوفرها لغيري👎👎👎
مظلوم وحياتكم مظلوم😭
ما الحق عليي👉
الجينات عاطله 👎
وراثة من العَيْلة👈👉
شو بَعْمِل إذا كان جدي وعمتي 👥👤
و خالتي وستي الله يرحمها هيك👤👥
الظاهر منِطْخَن مِن شربت مي💧💧
وهيك حِجَة كل واحد بَدين👻👻👻
حتى لو وصل للكْلاوي يْغَسِل💧💧
حتى لو جراحه من السكري لا تندمل💔
حتى الضغط دائماً مرتفع😨
الأعمار صحيح بيد الله😊
ولكن لا بد من ان نعقلها ثم نتوكل👍
قال: رسول الله الدين النصيحة💕💕
قالو لِمَن يا رسول الله 💓
قال للأئمة المسلمين وعامتهم 💞💞
اللهم إشفي جميع مرضانا💙💚💛
اللهم آمين آمين يااااارب العالمين 👍

💓عبد العظيم كحيل 💓