- بجد - ( نبيل الوردانى)

مش عايز اكدب أى حد
ولا عايز اصدق أى واحد
ولا عايز اقول إنى بجد
كل شئ بشوفه عارض
مش بشوف الدنيا ورد
أو بشوفها بشكل غامض
كل شئ قدامى واضح
كل شئ ف حياتى جد
التمنى بشوفه واقع
والمرار بدوقه شهد
مش تفاؤل أو تشاؤم
من همومى خدت وعد
إنى أنسى الدنيا دايما
نصب عينى هو غد
واللى عدى منى أمس
وقت ضايع لو بفرض
مش راح ابكى ع الل فات
والندم مش راح أعض
هو دا قرارى خدته
والقرار مامفيهش بد
مش بخللى روحى دايما
تبقى هى لعقلى ند
فى تواؤم بينا دايما
فيها أخد وفيها رد
بس روحى تبقى حاضره
مش ح تبذل أى جهد
دى نصيحه لو بقولها
مش ح أقولها لأي فرد
عيش حياتك بالتفاؤل
تلقى كل الطعم شهد