( انت اللى بحبه بجد. )شعر/ د.مختار أحمد هلال

إنت اللى بحبه بجد وإليه دايما بتشد

إنت اللى عليك النيه وانت اللى عليك القصد
إنت اللى مليت أيامى. أفراح وزرعت الورد
 إنت اللى بحبه بجد. وإليه دايما بتشد

يا حبيبى يا أهلى وناسى. إنت اللى ملك إحساسى
حساك حتى ف أنفاسى. رايداك من ساسى لراسى
إنت اللى مافيش ولا قبلك ولا بعدك أبدا حد
 إنت اللى بحبه بجد وإليه دايما بتشد

يا حبيبى يا نور أحلامى. إنت اللى حبيب أيامى
سيرتك دايما ف لسانى. إسمك دايما ف كلامى
مايفرحنيش غير إسمك مابقاش على بالى أسامى
فاكراك دايما وانا صاحيه. ومعايا كمان ف منامى
إنت اللى مليت أيامى أفراح وزرعت الورد
 إنت اللى بحبه بجد. وإليه دايما بتشد