قبل تلوث الخيال بقلم إيمان صابر

طباعة ونشر وتوزيع ، ظهور إعلامي ، ورش أدبية

قبل التلوث فى الخيال
اختار طريق ينهى المحال
اللى ابتدا فى طريق خطر
عشمت قلبك بالجدال
وبنيت امال
كملتها فى نفس الطريق؟
معلوم غريق
بتشعبط نفسك لية فى القش
وتسيب قدامك جرح كبير
اركان الدنيا خلاص بتضيق
وتموت وفى ايديك رسم طريق
اخترت ازاى تفضل وحدك
وتعيش محتال
سارق افكار من لحن حزين
وكمانجة بتعزف
لحن خطير
بس انت مصر تكون
عاقل وسط المجانين
لوث ف مشاعرك كلها
جوه الخيال
وبلاش جدال
اركب وسافر للقمر
واعزم معاك السهرانين
واكتب وزوٌر فى المشاعر
عالورق
اياك تقول لا او حرام
غنى بطريقة الانبهار
لوث اذان السامعين
واعزم طموحك عالممات

اشترك بالعدد الجديد من مجلة القلم الورقية للتواصل والاستعلام / 0020102376153 واتساب

غير سناريو المعجزات
ارمى الثبات واعلن سكات
كل المشاعر وقتها
قبل التلوث فى الهوا
افتح بيبان الامنيات
وازرع خيالك اغنيات
غنيها وسط الميتين
علشان تعيش ربان سفينة الطيبين
عاقل مازلت بتستحى
تشحت هوا
علشان تعيش وسط الموانع كلها
فعلا عبيط
قبل التلوث مرحلة خليك حويط
عيش الموانع كلها
خليك فريد
اعزم مشاعرك عالضياع
خليك جديد
لوث خيالك وانتهي
من قبل حتى م تبتدي
فى المهد عيش انسان نظيف
اوعاك تزور دنيا العوء
لتموت غريق
وسط التلوث
والمحيط مافهوش نجاه
ولا حتى فى شعر وخيال
سافر وجادل بالمحال
خليك جرئ
ارمى المشاعر فى الطريق
سافر فى جولة م الخيال
#قيثارة_الامل