(مصر) حربى علي شاعرالسويس

أغنية
 (بحب مصر)

بحب مصر ومصر فى كيانى
بلدى مصر حبي الأولانى
عشت فيها شربت ___ آها
سافرت بيها _ رنت خطاها
أم الدنيا ___ وماليها تانى
 بحب مصر ومصر فى كيانى

بحبك ومين مايحبش مصر؟
غرام قلبك عاصرنى عصر
زرع أرضك __ بنالى قصر
صونت عرضك جابلى نصر
قلب كمل __ جمال الروح
حبيبة تزعل تطبب جروح
وأم بتضم _ إيدها الأمانى
 بحب مصر ومصر فى كيانى

بعدت عنك __ غصب عنى
دا القلب منك_ ياحتة منى
شوقى ليكى _ نيل واصلنى
جايب أمل _ بحاجات تغنى
آثار صنعت م الخيرحضارة
آمال بناهاا _ مصرى بمهارة
وأهرام وجندى مات عشاني
 بحب مصر ومصر فى كيانى

فاضل فى قلبى _دقه ليكى
ودقات لشعب __ بيشتريكى
لحضن دافى _ ينده عليكى
خلتنى دايب ومشتهيكى
عاشق حزين _ بس شايفك
عروسه حلوه القلب عارفك
من يوم ميلاده يبعت_تهانى
بحب مصر ومصر فى كيانى
 بلدى مصر _ حبي الأولانى

(مصر)
حربى علي
 شاعرالسويس