.................ازيك ياصاحبي........................... بقلم = محمود عبد الخالق عطيه المحامي

ازيك ياصاحبي.......... وانت ازيك يابيه
أخبارك ياباشا ............وانت عملت ايه
الدنيا جايا ليك ...........ولا على البوفيه
النهارده زحمة ...ماعاد في القلب رحمة
راحت خلاص أيامك ....ولا انت سيبويه
ايه أخبار سعادتك ....ولا ضاعت آيمتك
قولي ياضنايا ........فيه ايه هتخاف عليه
كنت بتقول عروسه ..ودخله وفيها بوسه
بس انا شايفك لوحدك.......نسيت ولا ايه
يخرب بيت عاميلك .....وآه لو انا طايلك
كنت اخدك معايا .....وأبوس كمان ايديه
مادام ركعت أقول لك........والعبيد تدلك
ياخسارتك ياصاحبي ......مت بدري ليه
فيه كلام يقول ...........غير كلام يازول
أصل الكلام يودي ......مكان نتلام عليه
وانا دايما علطول....... راح اغني وأقول
كلام وراه معاني .........والضباب عاميه
كل الحكاية قصة ...أحجار كتير مترصة
من زمان ياصاحبي ...مش عارف أد ايه
أبويا كان عاملها .....بأوهام كتير شايلها
لما صحيت أقول له......... ليه يابابا ليه
قوام راح شايلني.......... بكفه ومناولني
وباللسان نهرني ......واديت الجزمة ليه
البنت كان مناها.......والله تشوف هناها
فجأة عتريس أتاها ...خللى عاليه واطيه
يابنت يامدللة ...........يا مهره ومغزلة
هيجيب حقك ياحلوة......راجل من أبيه
قالوا علينا دياب .......واحنا في الغياب
صحي ياماما اخويه ......التعلب بيناديه
أصل الدنيا تورتة ..والكل عاوز له حتة
اللى يعيش أونطه ..راحت خلاص عليه
آه وآه ياصحبي ..لما الشيطان سرح بي
خلانى اسيب اخويا وربي غضبان عليه
اسمع لما أقول لك...... للحق نور يدلك
لو مابان في قلبك .....يبقى الران عاليه
كلمة هقولها لك ..ياصحبي خد في بالك
فيه يوم هيظهر ....... اللى احنا بنداريه
مهر الحلوة غالي.. ياريتها تكون حلالي
وابيع نفسي ومالي ...لربي اللي شاريه