يا احلى من نور القمر بقلم عاطف بيومي

طباعة ونشر وتوزيع ، ظهور إعلامي ، ورش أدبية

....يا احلى من نور القمر.....
<><><><><><><><><><>

انا فاكر حبيبي ضحكتك
لما بيبتدى بينا الكلام
؛
وفاكر حبيبي قمصتك
لما نقول لبعض سلام
؛
ايه اللى بس بيعجبك
غير يا حبيبي الاهتمام
؛
انت اللى قلبي بيعشقه
ونبضه ليه فحاله هيام
؛
ده انت ف هوايا بتنفسك
وملاك بيشوفه ف المنام
؛
سعادتي بيكي ب تتكمل
من غير لا لوم ولا ملام
؛

اشترك بالعدد الجديد من مجلة القلم الورقية للتواصل والاستعلام / 0020102376153 واتساب

يا احلى من نور القمر
يا عطر فايح ف الزحام
؛
ده انت اللى يشوفك يعشقك
ونبضه قلبه معاك ف انسجام
؛
دى الدنيا من بعدك ملل
لا فيها شوق ولا غرام
؛
يا حب باركه حتي القدر
بدخوله ف القلب بأقتحام
؛
يا اجمل من كل البشر
يا ملاك منايا ف الأحلام
؛
ورورحي ف الليل تحرصك
وطايره فالسما زى الحمام
؛
ف حبك انت كتبت الشعر
وكفئوني ب اجمل وسام

بقلم/عاطف بيومى محمد