وافترقنا
#بقلم حمدى نورالدين
وافترقنا وقولنا
بكره اكيد هننسى
ونسينا فعلا
إننا يوم افترقنا
وعدنا تانى
بحب أكتر من إلى فات
وقبلتها وحضنتها
كده من سكات
وهى واقفة مستغربة
وقلبها بيقول آهات
وعيونها فيهم دموع
حبات مطر متلألأه
ساعة اللقا
بتقول حاجات
واديها بارده متلجه
ومتلعثمه
ووجهها مليان حالات
من اشتياق
وحنين سنين
محتاج عناق
وبحسنها وصوت همسها
رقة وهالات
ومسكتها من يدها
وقولتلها تعالى نعيش حياتنا
وننسى كل إلى فات
وافترقنا وقولنا
بكره اكيد هننسى
ونسينا فعلا
إننا يوم افترقنا..
#حمدى_نورالدين
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة