《كل ظالم له نهايه》
قصيده بالعاميه
كل ظالم له نهايه
و إسألوا دموع العينين
هى شاهده ع الحكايه
بس ساكته من سنين
ليه تخلي م البدايه
إخطبوط يصبح أمين
يقتل الفرحه اللي جايه
يزرع الخوف اللعين
شيل من على عينيك العصامه
خلي قلبك ده متين
بص لنفسك ف المرايه
راح هتعرف إنت مين
إنت أصلك الشهامه
بس خوف جواك سجين
إعتبرها كات سحابه
راح تعدي بنقطتين
إرجع لفرعون كان علامه
رفعوا سحره دجالين
جالوا موسى بالرساله
قاموا السحره ساجدين
نفسي تقتل البلاده
إنسى الموال الحزين
إرسم الفرحه بسعاده
هى كات دامت لمين
→بقلم←
#حسان #غانم
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة