..... كل يوم .....# كرم شحات #

كل يوم بيفوت عليا 

وإنتى جمبى حبيبتى عيد
كل لحظة وكل ثانية
يتولد إحساس جديد
وقت ما اقطف ضحكة منك
وللآ يلمس ودنى حِسك
قلبى يتنطط مكانه
والأمال جواه تزيد
.....................................  كل يوم

كل يوم يرحل حياتى
أحيا بيكى سنين حياتى
فاعشقك أكتر وأكتر
واملكْ الأفراح ليلاتى
ويا قلبك حب عمرى
عمرى يوم ما قلقنى أمرى
بل كمان أصل الأمان
بلقى كل الكون سعيد
.....................................  كل يوم

كل يوم بيفوت عليا
وإنتى منى وعايشة فيا
أدعى لينا تلين ظروفنا
لجل ديماً تبقى ليا
حُضن دافى كبير حنان
قلب مليان بالإيمان
إن وإنتى معايا بكرا
جى أجمل شىء أكيد
.....................................  كل يوم

كل لحظة وكل يوم
ياللى أعلى من النجوم
ألمْحك تتمنى عينى
أحضنك أنسى الهموم
ياللى ليكى القلب رق
دمتى بغرامى الأحق
مهما يجرى ويجرى بينّا
عن هواكى هاقول واعيد
.....................................  كل يوم