.................................غنوه ..اسألوا القمر............................
روحوا اسألوا القمر
عن قصة حب لينا
عشنا أحلى ليالى
بكاس الهوى ارتوينا
من شهد حبايبنا دوبنا
من الغرام انكوينا
روحوا اسألوا النجوم
والطير شاهد علينا
كلام الحب قلنا
وللعيون غنينا
عشنا بالحب دنيا
والحزن مايلاقينا
وقلوبنا فيها دابت
والفرح كان مالينا
زرعنا من الحب نسمة
وحنانه بين ايدينا
وفى لحظة ياحبيبى
الهجر نده علينا
والسهد ملى بيتنا
والآه مايتداوينا
العشق كسر ضلوعنا
والبحر دموع عينينا
هى كده الليالي
ولا الغدر ده طبع فينا
وحياة وردك ياعمرى
والعهد اللى يراعينا
أبدا ولا حتى لحظة
ما تهون فى يوم علينا
ان كان يرضيك عذابى
والسهد اللى ساقينا
أنا شفت كاساته وردى
وهواك فى قلوبنا دينا
وطاب الود بينا
دلقوتى بيبكينا
آه ياهوى تعالى
هنينا أو عزينا
وحياة اللى كان ياقمرى
حبك مكتوب علينا
محمود عبد الخالق عطيه المحامى
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة