حسن أحمد التلاوى ‏17 أبريل‏، الساعة ‏03:35 م‏ سجالي مع شاعرة العامية الكبيرة ا. جهاد زيادة رسالة

الشاعرة جهاد زيادة:تحيه طيبه ..و بعد 
حضرة جناب اللى عايش ف قلبى
و ساكن ملامحى
أحيطك علما 
بأن الليالى اللى عدت عليا
مكنتش معايا 
ليالى أسيه
و ان المعانى اللى سكنت قصايدى 
معانى غبيه 
و إن انشغالى 
مكانش لزمانى 
و لا حتى ليا
و ان الحروف اللى كتبت كلامى
حروف كات رديه 
و حتى الأمانى 
كانت لك تعانى 
و كات مش عاديه 
و كل اللى رايح 
و حتى اللى جانى
معداش عليا 
و انى ف مكانى 
صحيح حد شافنى 
لكن ف المرايا بكدب عينيا 
و بعلم سعادتك 
بإن الغياب ملوش عذر عندى 
و حاسب ليفرط زمام المشاعر
و يوصل لعندى 
لإنى بعنادى 
أكيد مش هعدى 
و هعمل عمايل 
لا هتكون هزار و لا بشكل جدى 
و من ثم طبعا هجيبك لحدى 
فبعد السلام و التحيه واحشنى 
و كل اللى مروا على حروفى سألوا 
سعادتك هتيجى ؟؟؟
و لا هتبقااا ف عيدنا الضحيه!!!!!
........
 حسن التلاوي :

جناب الأميرة
على عرش قلبي
وبعد التحية
 قريت الرسالة

وصحتلي شوقي
اللي كان مستخبي
وعارفة يا غالية
مجرد عيوني
ما شافت الرسالة
لاقيت ان نبضي
وكلي وبعضي
بيستنى منك
مجرد اشارة
وكلمة تعالى
واحيط علم عمري
بأن الليالي
بعيد عن عيونك
لا كان فيها فرحة
ولا ليها معنى
 وان حياتي بدونك ما تسوى

ياريتها رسالتك
كانت جتلي بدري
أكيد انت حاسة
بإني ف غربة
واني لوحدي
ولو كان جنبي 100
كلامك واحشني
ونظرة عيونك
وهمسك ف ودني
وأما حنانك
فدا حكاية تانية
حبيبة حياتي
قريت الرسالة
وطبعا ها اجيلك
وجوة عيوني
ها احطك واشيلك
ختاما يا عمري
لغاية ما اشوفك
 سلامي لكلك