كابوس بقلم السيدابوطاحون *****************= AlSayed Abu Tahoun = ****************** #كابوس #السيدابوطاحون #الاخنوم

يا انتصار الشمعة في الليل الغبي
يا اختبار العزة في وش الفلوس
يا اختيار النص م القرآن أو سيدنا النبي
هو ده كان حلم ولا كان كابوس ؟!!
________
ولا دا إبريل سليل الكدب ؟!!
رافع إسهاماته
ولا شيخ شاخت حياته ؟
ساب مراته ..
وخد مراتك فوق سريرك ..
وانت واقف منتظر
آخر أياته !
________
هو ليه النيل مقبّل
هو ليه الورد دبّل
هو ليه العشق ..
مش عارف يسبّل ؟
________
هيّ بكره الشمس طالعة ؟
ولا راجعة م الغروب ؟
هيّ دي برضو علامه
من علامات القيامه ؟
يعني راح تلحق تتوب !!
________
كنت فاكرك واد برم
يا محترم ..
خايف اصحي الصبح
ملقاش الهرم !!