ﻣﺸﺎﻭﻳﺮ .. !!
........
ﺍﻣﺒﺎﺭﺡ .. ﻳﺸﺒﻬﻨﻰ ﻓﻰ ﺑﻜﺮﻩ
ﺍﻧﺎ ﻓﺎﻛﺮ ﻟﺴﻪ ﻭﻑ ﺍﻟﺬﻛﺮﻯ
ﻛﻢ ﻋﺪﺍ ﻣﻦ ﻭﻗﺖ ﺳﻨﻴﻨﻚ !..
ﻓﻰ ﺳﻨﻴﻨﻰ .. ﻛﺎﻥ ﻋﻬﺪ ﺣﻨﻴﻨﻰ
ﻃﺐ ﺃﺟﻴﻠﻚ .. ﻭﺍﻻ ﺭﺍﺡ ﺗﺠﻴﻠﻰ !..
ﺍﻧﺎ ﻓﺎﻛﺮﻙ ﺃﻳﺎﻡ ﻣﺸﻮﺍﺭﻯ
ﻛﺎﻥ ﺃﺑﻮﻳﺎ .. ﺑﻴﻌﺰﻯ ﻓﻰ ﺟﺎﺭﻯ
ﺍﺳﺘﺸﻬﺪ .. ﻭﻑ ﺧﻂ ﻣﺴﺎﺭﻯ
ﻛﺎﻥ ﻃﺎﻟﻊ ﻉ ﺍﻟﻨﺨﻞ ﺍﻟﻌﺎﻟﻰ
ﻃﺐ ﺑﻜﺮﻩ ﻳﺸﺒﻪ ﻟﻤﺒﺎﺭﺡ
ﻃﺐ ﻓﺎﻛﺮ .. ﻭﺍﻻ ﺍﻧﺖ ﺍﻟﺴﺎﺭﺡ !..
ﺍﻷﺭﺑﻌﺎﺀ .. ﻓﺎﻛﺮﻙ ﻣﻦ ﻋﻬﺪﻙ
ﻭﺧﻤﻴﺴﻚ .. ﻛﺎﻥ ﺯﻯ ﺍﺍﻣﺒﺎﺭﺡ
ﻭﺍﻟﺠﻤﻌﺔ .. ﻫﺮﺑﺎﻧﻪ ﺑﺘﺠﺮﻯ
ﻭﺃﻧﺎ ﻓﺎﻛﺮﻙ .. ﻋﻤﺮﻯ ﻣﺎ ﺣﻨﺴﺎﺍﻙ !..
ﻃﺐ ﻗﻮﻟﻰ .. ﻛﻢ ﻋﺪﻯ ﻭﻓﺎﺍﺕ
ﺣﺎﺗﺼﺤﺼﺢ .. ﻭﺍﻻ ﺣﺎﻗﻮﻝ .. ﻣﺎﺕ !.
ﻣﺎﻧﺎ ﻓﺎﻛﺮﻙ ﻣﻦ ﻋﻬﺪ ﺳُﻜﺎﺕ
ﺣﺪﻭﺗﻪ .. .. ﻭﺑﻠﺢ ﺍﺍﻣﻬﺎﺍﺕ
ﺣﺎﺗﻘﻮﻟﻰ ﺃﻧﺎ ﺍﺍﺻﻠﻰ ﻣﺨﺎﻭﻯ
ﻭﺣﺎﺣﻀﺮ ﻓﻰ ﺍﻟﺠﻦ ﺑﻼﻭﻯ
ﻭﺣﻠﻢ ﺍﻟﻘﺎﻋﺪﻳﻦ ﻓﻰ ﻗﻬﺎﻭﻯ
ﻭﻧﺼﻬﻠﻞ ﻋﻠﻰ ﺑﺎﺏ ﺍﻟﺤﺎﺭﻩ
ﻭﻧﺸﺨﻠﻞ ﺗﺎﺭﻩ ﻭﺯﻣﺎﺭﻩ
ﺃﻧﺎ ﺃﺻﻠﻰ ﺣﺎﺑﺐ ﻓﻰ ﺯﻣﺎﻧﻰ
ﻣﺎ ﺍﻧﺎ ﺍﺍﺻﻠﻰ ﻓﻼﺡ ﻭﻣﺪﺍﻭﻯ
ﻳﺎﻣﺎ ﺷﻘﺸﻖ ﻋﺼﻔﻮﺭ ﺍﻟﻘﻤﺮﻯ
ﻭﺍﻟﺼﺒﺢ ﺍﻟﻠﻰ ﻳﻄﻞ ﻳﻐﻨﻰ
ﻣﺎﺍﻧﺎ ﻓﺎﺗﺢ ﻃﺎﻗﻪ ﻓﻰ ﺷﺒﺎﻛﻰ
ﻟﻮ ﻳﺒﻌﺪ ﻳﺮﺟﻊ ﻭﻳﻨﺎﺩﻯ
ﻳﺘﻐﺪﻯ .. ﻳﺸﺮﺏ ﻭﻳﻬﺎﺗﻰ
ﻡ ﺍﻟﻘﻠﻪ .. ﻭﺍﻟﻐﻠﻪ ﻓﻰ ﻃﻴﻨﻰ
ﻳﻔﺮﺵ ﻟﻰ ﺟﻨﺎﺣﺘﻪ ﺣﻨﻴﻨﻰ
ﻛﺎﻥ ﻳﺸﺮﺏ ﻣﻦ ﻣﻴﺔ .. ﺯﻳﺮﻯ
ﻃﺐ ﻗﻮﻟﻰ ﺩﻟﻮﻗﺘﻰ ... ﻭﺯﻳﺮﻯ
ﺍﺗﻌﻴﻦ ﻣﻦ ﻳﻮﻡ ﻣﺎﺗﻌﻠﻢ ..
ﻓﻰ ﻣﺪﺍﺭﺱ ﻓﻦ ﺍﻟﺘﺰﻭﻳﺮ !..
ﺍﻧﺎ ﺧﺎﻳﻒ ﻣﺎﺗﻜﻮﻧﺶ ﺣﻤﺎﺗﻰ
ﻓﻬﻤﺎﻧﻰ ﻭﺗﺨﺒﻰ ﻣﺮﺍﺗﻰ
ﻭﺗﻔﻜﺮ ﺍﻧﺤﻨﺎ .. ﺣﻤﻴﺮ !..
ﻃﺐ .. ﻗﻮﻟﻰ ﺍﻣﺒﺎﺭﺡ ﻋﺪﻯ
ﻭﺍﻻ ﺍﺣﻨﺎ ﻫﺪﻓﻨﺎ ﺍﻟﺘﺪﺑﻴﺮ ..
ﺣﺎﻧﻮﻓﺮ ﺍﺍﻳﺎﻣﻨﺎ ﺍﻟﺠﺎﻳﻪ !..
ﻭﺭﺍﺡ ﺍﻟﺒﺲ ﻧﻈﺎﺭﻩ ﻓﻰ ﻋﻨﻴﺎ
ﻭﺭﺍﺡ ﺍﺍﻛﺸﻒ ﻋﻨﺪ ﺍﺑﻮ ( ﺧﻤﺴﻴﻦ )
ﻃﺐ ﻗﻮﻟﻰ .. ﺣﺎﺗﺤﺐ ﺑﻬﻴﻪ !..
ﻛﺎﻥ ﺣﺎﺑﺐ ﻓﻰ ﺍﻷﺻﻞ ﺻﺒﻴﻪ
ﺯﺭﻋﺘﻬﺎ .. .. ﻣﻠﻴﺎﻧﻪ ﺧﻨﺎﺯﻳﺮ ..
ﻃﺐ ﺳﺒﻨﻰ ﺩﻟﻮﻗﺘﻰ ﺍﺍﺭﻭﺡ
ﺍﻧﺎ ﺍﺍﺻﻠﻰ ﺭﺍﺡ ﺃﺭُﺵ ﺍﻷﺭﺽ
ﻣﻦ ﺑﻜﺮﻩ ﺣﺎﺯﺭﻉ .. ﺟﺮﺟﻴﺮ !!..
............
ﻓﺎﺭﺱ ﺍﻟﻜﻠﻤﺔ
ﺣﺴﻦ ﺍﻟﺴﺤﻤﺎﻭﻯ
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة