..........................كل القصة.........................
كل القصة في عبارة
حال الدنيا دوارة
ياللي ساكن في عمارة
غيرك عايش في مغارة
فانية لا تأمن ليها
خاينة يا خي وغدارة
ياللي بدينك شاريها
صفقة خايبة وبوارة
سارقها صارحاميها
والحضارة منهارة
فات قصورها غاويها
غرقت بيه العبارة
يظمأ فيها ساقيها
دمعه يملا الحبارة
شوف القدس وأهليها
لطشت فيهم سنارة
ليه بخنوعنا نعريها
مافي رجولة غيارة
ذكرى مرة بنطويها
ياخسارة وألف خسارة
جه الواطي يبكيها
يلهينا بفيلم سمارة
نزفت دم بواديها
فين حطين الكرارة
عراقنا تاهت مراميها
وضعوا أسدها في بيارة
الشر اتحكم فيها
جفت مياها الدرارة
وحلبنا تاهت في ناديها
بدأت نارها بشرارة
ناهبها ناوي يسويها
لآل البيت حاطط شارة
بالكفرة رايد يمحيها
الغوطة صرخت كفارة
وسعيد يمنا بيتمرجح
مابين ايران ومابين جاره
وشعبه رايح يتسوح
وعبارة دخلت في شكارة
وليبيا خيرها بيتزحزح
حروبها شغلت هوارة
وأم الدنيا الولادة
دفنت راسها في سقارة
بالفن ملوكي دعارة
سمانا راح هتعلمنا
أصل الفتوى بمهارة
الهام وفوفو يحق لهم
لقب مشايخ بجدارة
حلوالدين ناخده عنهم
لاتقولي رجم ولا حجارة
والست يارا الأمورة
زينة نسانا النوارة
والله واعية وشطورة
اسلامها للعلم منارة
يامين يحل الفزورة
في العلبة فيل ولا حمارة
ميزو وبحيري وعدنان
لتراثنا لابسين نظارة
زكريا والقمني ونوال
أسلاك كتير فيها حرارة
أوعى تقول رش وتبذير
أو خريجي الخمارة
على العمالة مدربين
من السجال عملوا ادارة
على درب اسلافهم سايرين
بالغدر أنشوا لنا سفارة
وكان منهم جمال الدين
وخلافة باتت محتارة
عن دنيا نادى بفصل الدين
يا عروبة طبل وزمارة
على نهجه تلاميذه ماشيين
قلبوا دقيقنا لنشارة
وأمانة غاصت في الطين
للعهر أبواق برارة
اصحوا أفيقوا يامسلمين
للكدب أقوال سحارة
لن ترضى عنك خليكوا فاكرين
آيات حكيمة وذكارة
خليك ياواد ثابت ومتين
أعاديك قلوبهم فراراة
أقسم الهك رب التين
لزوال يهود غضبه اشارة
محمود عبد الخالق عطيه المحامي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة