ماكنت داري
ياداك الجالس ف ضلي
هز عينيك ل فوق
عنقودي ليك مدللي
يلا شبعان غير دوق
حبيبتي يالباس الجنة
راحة البال والرشوق
رسامك م الهم تهنى
وهمي ل عقلي موفوق
الله يعطيك من صبري
حقق فيا وساوي الحقوق
ديك الكسية ف الصمايم
ف الليالي عودها مسعوق
يالالة يازينت لبهى
كلك حلوة وكلك ذوق
وانا قصتي زمانها مشنوق
ياسيدي آشنو دنبي
نخرج من دار الوثوق
تابعاك لاولادك نربي
ش تسالني اداك الملعوق
ماكنت داري وعالم
الكلام ف راسي دار بوق
سمحيلي مانويت حالم
نخلي العز ونقلب ع الخروق
بقلم ادريس جبيلو
المغرب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة