شدّى حيلك يا بلد ،،،،،،،،،،،،،،،،،،،،،،،،،،،جمعة عبدالجواد

إحنا بقينا عدد كبير 

زي الليمون فى العدد
ضعاف ولالناش التأثير
وعلى السّيل احنا الزبد
 شدّى حيلك يابلد

إن مات فى أرضك أي فاسد
فيه ألف غيره بيتولد
وقولنا هنقضى ع الفساد
وفشلنا واهو زاد العدد
 شدّى حيلك يابلد

ولا فى صحة وفى التعليم
أصبحنا قبل آخر بلد
ولا استثمار ولا اقتصاد
وياريتنا نلحق البلد
 شدّى حيلك يا بلد

إحنا من يوم التعويم
والنّاس عايشة فى كبد
الشعب أصبح كئيب حزين
إنشال لفوق وانهبد
 شدّى حيلك يابلد

فى الهجرة غير الشرعية
شوف بيموت لنا كام ولد
النّاس صبحت ع الحديدة
م الفقر هيموتو ف كمد
 شدّى حيلك يابلد

والنّهر لسّه فيه مشاكل
وشايف سيفنا بيتغمد
مدد مدد مداد مداااااد
منّك يارب المدد
 وشدّى حيلك يابلد

جمعة عبدالجواد
٢٠١٧/٥/٢٤