زمن جميل بيحتوي
كل الجميل والمستوي
والملتوي مالوهش فيه
زمن جميل كان فية تملي
الأصيل الحلو إللي
لسة روحي عايشة فيه
زمان فقيرنا لما بيفرح
من فرحته بيقول ياحلولّي
وناس بتغني آمان يالاللي
وجوز قضبان وعليها تروللي
والأتوبيس بتلات أبواب
والكستور أتواب أتواب
والأصحاب كانو أعز أصحاب
وإن يتعاتبو عتاب أحباب
وناصية حارة ومخبأ غارة
والتحويجة وطب عطارة
وأحلى تحية وأحلى سلام
لسفيرة عزيزة وست سمارة
وأبو عرام يشبه علي بابا
وعلي بابا شبه أبو عرام
وسي النبي حارسه أنور وجدي
في ليلة عرسة يدران حبسه
قام سي الكونت دي مونت كريستو
ياخد حقه وحق عروسته
والعوام ولويزا الطاهرة
ونادي السينما وتاكسي السهرة
وأبلة فضيلة وعمو فؤاد
وقراءة رشيدة عادل وسعاد
والإعلان كان دمه خفيف
يديك المعنى في نص رغيف
إجري بسرعة ياواد ياحسين
شوف لنا ريري بيتباع فين
وإعلان رابسو وإعلان سافو
ومعجون آرتيف بالفلورين
وياكلوا حلاوة وياكلو جاتوه
وياكلوا كل إللي يحبوه
آدي زماني إللي بعيش فيه
أبيض وإسود وإللي هاويه
يعمل زيي ويعيش فيه
بقلم طارق السيد
كل الجميل والمستوي
والملتوي مالوهش فيه
زمن جميل كان فية تملي
الأصيل الحلو إللي
لسة روحي عايشة فيه
زمان فقيرنا لما بيفرح
من فرحته بيقول ياحلولّي
وناس بتغني آمان يالاللي
وجوز قضبان وعليها تروللي
والأتوبيس بتلات أبواب
والكستور أتواب أتواب
والأصحاب كانو أعز أصحاب
وإن يتعاتبو عتاب أحباب
وناصية حارة ومخبأ غارة
والتحويجة وطب عطارة
وأحلى تحية وأحلى سلام
لسفيرة عزيزة وست سمارة
وأبو عرام يشبه علي بابا
وعلي بابا شبه أبو عرام
وسي النبي حارسه أنور وجدي
في ليلة عرسة يدران حبسه
قام سي الكونت دي مونت كريستو
ياخد حقه وحق عروسته
والعوام ولويزا الطاهرة
ونادي السينما وتاكسي السهرة
وأبلة فضيلة وعمو فؤاد
وقراءة رشيدة عادل وسعاد
والإعلان كان دمه خفيف
يديك المعنى في نص رغيف
إجري بسرعة ياواد ياحسين
شوف لنا ريري بيتباع فين
وإعلان رابسو وإعلان سافو
ومعجون آرتيف بالفلورين
وياكلوا حلاوة وياكلو جاتوه
وياكلوا كل إللي يحبوه
آدي زماني إللي بعيش فيه
أبيض وإسود وإللي هاويه
يعمل زيي ويعيش فيه
بقلم طارق السيد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة