أمانة عَليكِ ما تِنسيني
وإفتِكري إنك نُور عِيني
مِن بَعدك ما شُفت النور
إزاي وإنتِ قَمر ليلي
أمانة عَليكِ .. أمانة عَليكِ
أمانة عَليكِ ما تِنسيني
نَهاري في بُعادك ليل
وليلي في بُعادك وَيل
يا ويلي نِسيانك حُرقه
القلب مُش قَد الفُرقه
إحساسي بيمنعني أسيبك
حَرَمني الفرح في غيابك
أمانة عَليكِ .. أمانة عَليك
أمانة عَليكِ حِسيني
يا نَبض القلب
يا نور عيني
أمانة عليكِ ما تنسيني
الدُنيا فيها أيه يستاهل
وإنت بتروحي بالساهل
والله من بَعدك إنتِ
إحساسي بيقولي أنا راحل
أعمل أيه وأنا قلبي ضعيف
قُوتو فيه وإنتِ مَعاه
متعتبريش إنه تكليف
ياما طلبتي من قلبي رِضاه
إتكلمي
قبل ما يفوت المعاد
قبل ما يدمرني شوقي
قَبل ما يزيد البُعاد
وأمانة عليكِ إفتكريني
ولو غلطان سامحيني
مين غيرك يسامحني
مِين بَعدك يواسيني
أمانة عَليكِ جاوبيني
أنا لو قَلبي كَان مِلكي
ما كُنت سألت عَن نفسي
لكن إنتِ وَحدك إنتِ
مَلكتِ روحي يا حَبيبتي
يا ضَي القلب ومَعنى الحُب
إن نِسي الهَوى إسمي
وإن نِسي القَلم رَسمي
أمانة عَليكِ ما تِنسيني
ــــــــــــــــــــ ــــــــــــــ ــــــــــــــــــ
بقلم : يوسف الإنسان .
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة