مسحراتي
اصحى يا نايم .. وبعودة يا أيام
ياصحن فول .. في السحور .. له نغمة بياتي
علبة زبادي تقول .. أنا جاية لاخواتي
نهاوند ياعرقسوس .. شفا وخمير .. هاتي
ياتمر هندي .. وسوبيا طازة .. احلى غنواتي
وبعودة يا ايام
ياحبة خشاف نعنشوا .. ريقي اللي كان ناشف
ياصحن قمر الدين .. تحت الزبيب كاشف
بعودة يا رمضان .. يابو العيال .. يا كبير
الغاوي نقط .. وانا .. نقطت بالتسحير
بعودة ياتراويح .. والحسنة بالقناطير
كل الملايكة تحوم .. في ساحة التكبير
رب العباد شايل .. تحيتين قدام
تحية للي سجد .. وتحية للي صام
وبعودة يا ايام
مسحراتي
من فجر يومي .. دائر بادقدق .. بعود محندق
في أيدي بازة .. تلمع وتضوي ..زي الازازة
تبدرحناني .. اسمع ياصايم .. نغم ريحاني
بدراع مخدل .. داير أهلل .. السير كواني
نحاس يرن .. فاضي وهادي .. بوش واحد
اصحى يا نايم .. وحد الواحد
انا جنبي ابني .. قنديله والع .. وسط الضلام
تلاتين عشية .. في مسرحية .. اسمها رمضان
انادي اصحى .. يا واد يا احمد .. قوم إيمان
ننوس بيلعب .. مالوش سحور .. صحي حنان
انا كل ليلة .. بالعب لوحدي .. دور البطولة
وبعودة يا رمضان .. بعودة يا فنان
مسحراتي
لفيت زمان .. انده واقول
على المزمار .. وع الارغول
اصحوا لسحوركو .. رمضان يزوركو
يا عبد نايم .. وحد مولاك
خلقك وعمره .. لحظة ماينساك
يا نايم وحد الدايم .. ياغافي وحد الرزاق
انا المسحر .. بالطلبة انقر
كان ليا قيمة .. وليا شان
طبلة وجلدة .. بحرين حنان
أصبح ندايا .. مرح وغاية .. لعبة هزار
امشي وانقر .. عشان انادي .. على الصغار
صعبان عليا .. استنى عام .. اقعد الالي
لحد تاني .. ما يتم بدري .. ويعود هلالي
وبعودة يارمضااااااان
#اشرف_البنا
اصحى يا نايم .. وبعودة يا أيام
ياصحن فول .. في السحور .. له نغمة بياتي
علبة زبادي تقول .. أنا جاية لاخواتي
نهاوند ياعرقسوس .. شفا وخمير .. هاتي
ياتمر هندي .. وسوبيا طازة .. احلى غنواتي
وبعودة يا ايام
ياحبة خشاف نعنشوا .. ريقي اللي كان ناشف
ياصحن قمر الدين .. تحت الزبيب كاشف
بعودة يا رمضان .. يابو العيال .. يا كبير
الغاوي نقط .. وانا .. نقطت بالتسحير
بعودة ياتراويح .. والحسنة بالقناطير
كل الملايكة تحوم .. في ساحة التكبير
رب العباد شايل .. تحيتين قدام
تحية للي سجد .. وتحية للي صام
وبعودة يا ايام
مسحراتي
من فجر يومي .. دائر بادقدق .. بعود محندق
في أيدي بازة .. تلمع وتضوي ..زي الازازة
تبدرحناني .. اسمع ياصايم .. نغم ريحاني
بدراع مخدل .. داير أهلل .. السير كواني
نحاس يرن .. فاضي وهادي .. بوش واحد
اصحى يا نايم .. وحد الواحد
انا جنبي ابني .. قنديله والع .. وسط الضلام
تلاتين عشية .. في مسرحية .. اسمها رمضان
انادي اصحى .. يا واد يا احمد .. قوم إيمان
ننوس بيلعب .. مالوش سحور .. صحي حنان
انا كل ليلة .. بالعب لوحدي .. دور البطولة
وبعودة يا رمضان .. بعودة يا فنان
مسحراتي
لفيت زمان .. انده واقول
على المزمار .. وع الارغول
اصحوا لسحوركو .. رمضان يزوركو
يا عبد نايم .. وحد مولاك
خلقك وعمره .. لحظة ماينساك
يا نايم وحد الدايم .. ياغافي وحد الرزاق
انا المسحر .. بالطلبة انقر
كان ليا قيمة .. وليا شان
طبلة وجلدة .. بحرين حنان
أصبح ندايا .. مرح وغاية .. لعبة هزار
امشي وانقر .. عشان انادي .. على الصغار
صعبان عليا .. استنى عام .. اقعد الالي
لحد تاني .. ما يتم بدري .. ويعود هلالي
وبعودة يارمضااااااان
#اشرف_البنا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة