غمض عنيك متشفش
وإن شفت
أخرس خالص متتكلمش
وإن شفت
أخرس خالص متتكلمش
في مصر عشان تعيش
لازم لازم تطاطي
عشان تشوف غيرك
ألف ألف مطاطي
وتبوس أيدين الأسياد
والهوانم لابسين البلاطي
لازم لازم تطاطي
عشان تشوف غيرك
ألف ألف مطاطي
وتبوس أيدين الأسياد
والهوانم لابسين البلاطي
في مصر عشان تعيش
متتكلمش أبداً عن الضمير
الضمير مداس علية
من زماااان مات قتيل
لا عملناله جنازة
ولاودعناه بالمناديل
متتكلمش أبداً عن الضمير
الضمير مداس علية
من زماااان مات قتيل
لا عملناله جنازة
ولاودعناه بالمناديل
في مصر عشان تعيش
بلاش شجاعة
عيش عويل
لا ليك صوت ولا رأي
ولا حق في نور
ولا زيت قنديل
بلاش شجاعة
عيش عويل
لا ليك صوت ولا رأي
ولا حق في نور
ولا زيت قنديل
في مصر عشان تعيش
متتكلمش عن حاضر
ولا مستقبل
الكلام ملوش لازمة
الشعب كدا كدا ماشي
بالأمر ، بالاشارة
لمؤاخذة بالجزمة
متتكلمش عن حاضر
ولا مستقبل
الكلام ملوش لازمة
الشعب كدا كدا ماشي
بالأمر ، بالاشارة
لمؤاخذة بالجزمة
في مصر عشان تعيش
بلاش تفرح
الفرحة عليها ضرايب
وهتجبلك كتير مصايب
والفرح أصلاً في مصر
ملوش مكان ولا مطرح
بلاش تفرح
الفرحة عليها ضرايب
وهتجبلك كتير مصايب
والفرح أصلاً في مصر
ملوش مكان ولا مطرح
تحيااااااتي.... إسماعيل هريدي 2017/06/19
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة