فاكر لما كنا صغيرين ؟
وكنا بتلعب ونجري فرحانين ؟
جِريتْ يا صاحبي بينا السنين
وبسمة البراءه إتبدلت أنين
والحزن رن ف سمانا ، خلانا دبلانين
وسبتني وحدي ورحلت من سكات
وابتديت انا في رحلة الآهات
اعيش على ذكراك والزمن اللي فات
وافتكر شهامتك وافتخر باللي مات
كنت انت السند والضهر وجامع الشتات
ياللي كنت في شدتي اول السائلين
وكنت برضه في محنتي خير المعين
تسأل عني وانا في حقك مهين
سامحني يا صاحبي على الزمن الحزين
عزايا انك في يد رب العالمين
الله يرحمك يا غالي يا اغلى من الدر الثمين
سامح ايليا
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة