شعلة العاميه ناصر طاهر 7 يونيو الزجل الساخر / نوايا فى بلح من كلمات / ناصرطاهر أحمد ★★★★★★★

طباعة ونشر وتوزيع ، ظهور إعلامي ، ورش أدبية

أوعى فى يوم تعمل لي

محاسب
ربك عادل هو
يحاسب
بياخده الكلام
بالنوايا
قلت النوايا ف
بلح
حبسه الألم فى
دوايه
والحبر والله
مافلح
الكيل ده فاض بينا
وطفح
ظلمك ياواد
كافى
حتى السليم فينا
إنجرح
وانا كفنى على
كتافى
النخل لما طرح طرح البلح
زغلول
قلنا خلاص
هنهيص
طلع البعيد
مهبول
وبقينا من
البلاليص
سرق البلح كله وحدفنى
بنوايا
وان جيت فى يوم جاره يحبسنى فى
نوايا
كرسيك ده مش
هيدوم
وان دام تعالى
ولوم
ده القرد مهما
حلي
عمره مايبقى
غزال
والواطى مهما
علي
ده مكانه تحت
نعال

اشترك بالعدد الجديد من مجلة القلم الورقية للتواصل والاستعلام / 0020102376153 واتساب

أوعى تعيش لي ياواد فى
الدور
تبقى حمار وراكب له
موتور
والا هتعمل كام
تسبيله
أصل النصب ده ليه مية
حيله
ولا تعيش لي فى دور
نحنوح
كنت زمان انا واد
بحبوح
بس نهارده خلاص
مدبوح
أصحى معايا ياعم
وفوق
كلامى ليك ومن غير
فروق
هو الفقر ده مين كان
جابوه
يخرب بيت أبو أم
جنابه
ده الشباب م الهم
شابوه
والزمان فارد
شنابوه
والفقير عايز
منابه
والخسيس غارز
بنابه
بص ياعم أنا قلمى
رصاص
من غير بندق
ولاقناص
أصل انا صادق مش
هجاص
كفاينا رقص
وحنجله
وبلاش ياناس
تطبيل
دي عيشتنا بقيت
بالبله
وبقينا من
المساطيل

جميع حقوق الطبع محفوظه
لناصر طاهر أحمد