//////////////////////////////////
كنت اتمنى احبك تانــــــــــــى -----
بعد ما هجرك ليّا أذانــــــــــى
قُلت اسامحك وارجع تانـــــــى -----
قلبى عايرنى بكل آلامــــــــــى
قاللى كفاية عليه بكّانــــــــــــى -----
بعد ما حطّم كل امالـــــــــــــى
وعايز ترجع له من تانـــــــــى -----
ونسيت جرح سِنين فى ثوانــى
لو فكّرت تسامحه بدالــــــــــى -----
قل له تعالى رجعلّى زمانــــــى
ويّا شبابى وىّا جمالــــــــــــــى -----
وإياك تنسى هجره ليالـــــــــى
ولو فكّرت تسامحه عشانــــــي -----
اسأل روحك مين فينا جانــــى
قبل ما ترجع تعشقه تانـــــــــى -----
أنا حذرتك ياللى فى بالـــــــــى
مُش هسمحلك تشكيلّى تانـــــى -----
ولا هسمعلك تانى ثوانـــــــــى
إللى بيعشق لوكان جانـــــــــى -----
حُب القلب يموت فى ثوانـــــى
وكنت اتمنى احبك تانــــــــــى -----
بعد ما هجرك ليّا أذانـــــــــــى
////////////////////////////////////////////////////////
تحياتى // الشاعر // ( عبدالله الحجازى )( 788 )
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة