مَالِك مسلوبْ ، ما بْقى عَجَبني حالك
سكْنَك ظًنْ ،ردًك ترًاسْ خْديم سْيادك
نكًار وليتي دَوًايْ ؤ عل لأهل زاد عارك
م احترمتِ أصلك،ؤ ُبُِرخْص بعتي بلادك
بْلاوك ب الزواق ، وبالشر لقْحو طباعك
غْراوك ب لَخْوا ، نَسًاوك تاريخ جْدادك
تنقد وتحتج زعما واعي ، شاعلة نارك
نْتَ باغي تولي رومي،والاخرلدينو تارك
شي بغا يولي شرقي ،نسى هوية جدادك
شي مكسي ، ؤ شي مبهدل ، فقرا كتابك
نْسى أنه مغربي،ؤُ جبالو حْماتو ؤحماتك
لْحُر اتهمتيه بالعياش ؤم حْسبتي حسابك
وشي ردتيهم عبيد ، ؤ زاد هانْهم لسانك
ففيق يا لمغيب ،بالله خْبرني اش طرا لك
لمغرب فوق لجميع ، فَتْلاح نْتَ ؤسوارك
السادس فخرلبلاد ؤبِفضلو رفرف علامك
التحدي شعارو،ؤ شعبو م يرضى بشْكالك
م تقيس ملكي ولاً شعبي عيق ؤ رُدْ بالك
غير فياش نت،تْجْمَعْ ؤجمع لقرود بحالك
ؤ لعافية لباغي تشعل ، زندات ف وهامك
غدا تعيش ذليل عميل ؤيطيح شان ولادك
حيت عشت مسلوب مغيب، ؤ حاقر بلادك
يا لمغيب عيق ؤ فيق خمم راجع حسابك
دُوردُور ؤمتلقى غ لمغرب حضنك ؤترابك
يا لمغيب
***المغرب***الزجال والشاعر :أحمد الكندودي***
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة