****** لعيون سَحرَتني ******
تمَنيت شوفِك بالفَرَح جَنبي
بالسما بَدر وعَالارض ظِلُّ
مِثل النَدى عَالغُصن بِتهَدي
والوَرد عَخدودِك حَكى فِلُّ
شَميت عُطرِك كله من وَردي
ياسمين مع جوري انا بجلُّ
لعيون سَحرَتني وما ادري
السِحِر مِنِك وِصِل لمحَلُّ
عالشَجَر عم يغَرِد الدوري
بِنشِد وسَيف الحُب بِسِلُّ
بيوم الفَرَح شُفتِك بتِتجَلي
وجهِك بَدِر ضاوي الحَفل كلُّ
لو تِعرَفي بِمعَزتِك عندي
بَحر الهوى أسبَح وادخُلُّ
يا غالية عالروح وعا قَلبي
شو هالجمال للقَلب بشِلُّ
..بقلمي..ياسين مصطفى بكري...
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة