ف دنيا براح
امبارح راح
واليوم شمسه
طالعة براءة
من سجن الليل
تفرد شعاعها الحرّاقة
وقلوبنا تحت الضُلِيلة
ف الهُلِيلة
خايفة الخداع
من الشعاع
السكران من حرها
واقع لشوشته ف سحرها
بيحبها
فارد ضيّه ع الحقيقة وع السراب
مش ناوي خراب
زارع أمل في النفوس
تضمن عيش
تضمن غموس
و أمله طارح ف العمل
ومش مهم أي فلوس
طب ثانية واحدة خليك خيالي
عيش ف القمر جنب النجوم
فوق السحاب
واخد قرار بالانسحاب
وقت الخطر
ساعة المطر
ومفيش بطر
ازرع طاقة خلاقة
واصنع باقة
استقبل بيها قرص الشمس
وودع أمس أبو الهموم
وببسمة أمل استقبل يوم
هشام سليم
كنج العربي
شاعر الحرافيش
الإسكندرية مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة