فى حياتنا مواقف متقلبة
زى الفصول الأربعة
صيف يحلى السهر ويا القمر
والسمر ويا الحبايب
للفجر على شط الميه قاعدين
ولا على كورنيش ناكل ترمس وذره و صميط
وربيع نسماتة تشفى العليل
وزهور فل وياسمين تسر العين
تكتب اجمل اشعار عشق وغرام
وخريف شجر تصفر و تسقط اوراقه
وهواء وزعابيب امشير
تدخل بيتك وتقفل عليك
وشتاء ليلة طويل طويل
و سماء سودا مليانة غيوم
ولكن تحلى اللمة فيه تحت بطانية
ولا حوالين دفاية ونحكى ذكريات
عدت من سنين
حياتى اصبحت فصول أربعة
وحبيب غائب عنى جافينى
مستنياه بشوق
فى ليالى شتا طويله
على امل يجى الربيع
ويرجع الغائب وتخضر الأغصان
وتزقزق العصافير ويسيح الجليد
من حضن دافى بشوق السنين
سناء العاجز. مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة