وعشنا وسط البشر
بإخلاص
وعشنا وسط البشر
بضمير غاب عن كتير
من الناس
شايل هموم جبل
وقفت واتدد
لا تهز ف يوم
ولا يوم انحنى
انا جبل هموم
رحال
اداوى وجع الناس
وورثت من ايوب
الصبر
اتعلم ف الدنيا
باقى من يوم متولد
حتى الممات يا انسان
تقع وتقوم وتتعلم
ودارت الايام
وتلف سنين العمر
ولا يوم اتهز الجبل
ولا انحنى
ماشي بطريق طويل
وكل ما يطول الطريق
اقرب من سكن الإنسان
ف اللحد محمول
وف بيت الاحباب
مدفون
عشت حياتي
صابر
رحال
مهموم
لا يوم انهز
الجبل
أو اتهد
بوصيك يا ولادى
ياللى ما شوفتك لحد
اليوم
يمكن ارحل عن
الزمان
المكان
عامل البشر
بصبر وحذر
من غدار الوشوش
وش يغش
ووشك يخون
ووش يهون عليه
الدم
ووش انعدم منه الدم
ووش بيضحك
وسكينه بارده تمشى
ع رقبتك
حاذر يا ولدى
لا يوم تخون
العيش والملح
لا يوم يهون عليك
الدم
كن وتدد سند لكل
مظلوم
عيش حياتك
تكون انسان
كلمه تتقال
سيره لبكره تتشال
واعرف يا ولادى
أننا عشنا وسط
البشر رجال
عشنا وسط الغجر
بشر
إنسان
ضمير
ولا يوم كان ضعف منا
ولا خوف من رب العالمين
بوصيك يا ابنى
ولا يوم تنسي الوصيه
عبدالله العراقي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة