هيه الحبيبه في دنيتي
هيه اللي حبي يكون لها
ووقت جرحي وأزمتي
بجري أستخبي في حضنها
ولما بمشي في سكتي
بهمس لطيفها وأقول لها
هيه نصيبي وقسمتي
هيه حياتي كلها
هيه هنايا وفرحتي
في الدنيا دي ما فيش زيها
ولما ببعد وأختفي
برجع بحب أشتاق لها
وإن يوم. خدتني غربتي
هغيب وأغيب وأرجع لها
ولو سابتني ف سكتي
همشي البلاد وأوصل لها
ساكنه في روحي ومهجتي
وحبي ساكن قلبها
ورغم بعدي وفرقتي
لسه ف حياتي بحبها
ما هي هيه أملي ف دنيتي
والقلب والروح ملكها
بقلم الشاعر احمد حمدى شمعه مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة