لاتجبرينا يادني نشرب حشيش
ومن بعد ركب الرنج نركب ع لكديش
حني علي شوي تا اعرف انا
بهل كون باقي العمر كيف بدي بعيش
لا تجبرينا نشرب الوسكي بقهر
ونركب أتآن اليوم من بعد الهمر
قالوا طلعوا الناس لا عند القمر
ووضعي معك يمكن رح آكل حشيش
بسكر انا بليل وبصحى بلنهار
والجسم من هل دهر دايم بأنهيار
ودمعت عيوني شكلت عدة انهار
قصيتي جنحي قبل ماينبت الريش
ان ضلت الحالي هيك رح ناكل هوا
الفيروس طور حالتو ومالو دوا
ودكاترة هل الزمن ما عندا قوى
تقضي عليه ولا الدرك وحتى الجيش
المشتكى لله هل واحد احد
قديم منذ الازل وباقي للابد
ماخيب الله كلمن عليه اعتمد
يارب لطفك بلخلق بدها تعيش
.
عدنان الخلف
في
5/6/2021
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة