مش خيال أو مستحيل
اليسارى واليمينى مش ف دينى
دينى وحدة وقلب شمسى
دينى قدسى
دينى شربة حق تروى ظلم نفسى
دينى أسوة مش كلام
عدل ناطق بالسلام
دينى كرَّم كل نفس
دينى عُرس للأخوَّة
دينى أصل للمروَّة
دينى فجر بشق ليل
دينى واقع مش خيال أو مستحيل
دينى فتح للعقول
دينى حطَّم كل غول
دينى حَرز لكل دين
دينى قال إن الاله هو المعين
والهداية مش بإيدنا
الهداية ف اليقين
دينى حب للبرية
دينى وجبة روح هنية مش بسيف
دينى يكره كل زيف
والمعاملة فيه أساس
مش كلام مليان جناس
دينى يعرف الإنتماء
والوطن دون اصطفاء
دينى قَطر للحضارة
دينى بحر الإستنارة
دينى هوَّ الإنسانية
دينى يكره أى فرقةأو سامية
دينى رحمة ومش قساوة أو نازية
دينى عرف يكون شريف
دينى يكرم كل ضيف
دينى شرعه ف المدينة زى ريف
دينى دفء ف الشتا ونَسمَةْ ف صيف
دينى حق
لو نعم قالها ولأ
دينى نورعمره ما يشهد يوم ف جور
لو عرفته هاتلاقيك حواليه تدور
الشاعر وحيد راغب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة