لمانلقي شوق لقانا
يسبق الخطوه بهوانا
والغرام يحتار معانا
يبقي ده نبض المشاعر
لما يبقي حنين سلامنا
بيرتب في حروف كلامنا
يختفي عتابنا وملامنا
يبقي ده نبض المشاعر
لما يبقي كلام عيونا
يهدي من ثورة غرورنا.
ويغيير من سؤ ظنونا
يبقى ده نبض المشاعر
لما نبقي ببعض واحد
روح وقلب ونبض واحد
انا وانتي اتنين في واحد
يبقي ده نبض المشاعر
لما روحي تحس حسك
تبقي حسي وأبقى حسك.
مهما نبعد ببقي لمسك
يبقي ده نبض المشاعر
الجمال شايل جميلك
يوصفك لما اجيلك
تحلالي النسمة بعبيرك
يبقي ده نبض المشاعر
لما أكون وياك وهايم
والهوا ينسم نسايم
ولا نسمع لوم للايم
يبقي ده نبض المشاعر
لما نبقي نصيب وقسمه.
بعد دمعه نلقي بسمه
ولا نقبل طرح قسمه
يبقي ده نبض المشاعر
وهاتها جمايل يارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة