ورقه وقلم
**********
هاتلي قوام ورقه وقلم
واكتب عليها دمعتين
وزود النوح والألم
وارسم خطاوي المجروحين
يابني الزمن عمره ما خد
ولا يوم رخاه طول السنين
ولا ادي سره ف يوم لحد
ولا يوم بكي جرح الحزين
مدي العذاب يا ساقيه مدي
وغمي عين التور كمان
دنيا غريبه وغاويه عندي
سطر واكتب يا زمان
وجعي اللي ما ف يوم مره لأن
ابكي ونوح يا حمام
وقول خلاص الكل بان
قلبي اللي شايب كل يوم
جرحي اللي صعب أنه ينام
وادي السنين عشقت دموعي
حتي الخطاوي وكله زام
وجعي اللي ساكن ف ضلوعي
جرحي اللي سمع ف الزمام
والفرحة منى اتحولت
نوح ياقلبي وبوح كمان
يمكن ف نوحك ده دواه
يمكن يطيب جرح الحياه
عافر كمان ويا الزمن
يمكن تلاقى طوق نجاه
**************
عمرو تمساح ابوسفيان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة