*************
ياحب عمرى وحياتى
ياسبب عذابى وآهاتى
حبك عمل أيه فيا
غاب بالوجود ذاتى
مهما أشرق وأغرب
نفسى للهنا مرة أجرب
بتوحشنى وأنت جنبى
أنت وجع قلبى
گأن حبك أكبر ذنبى
أقول عن حبك أتوب
أحس أنى بموت
لو حبك أكبر الذنوب
هو سحر الوجود
لقلبى وروحى الخلود
مش هقول الزمن غدار
حبك جنة ونار
كل اللى عليا
سلمت للأقدار
هو صحيح الهوا غلاب
عذاب حبك أحلى عذاب
العمر عدى وفات
حبك بقلبى ما مات
يوم عن يوم زاد
مع الصبر لحضنك ميعاد
حبك الحب الممنوع
اللى مفيش فيه رجوع
والا حبك كتير عليا
قدر قلبى الموجوع
جفت بعينى الدموع
يوم ورا يوم
بتزيد عليا الهموم
مهما يحصل ليا
قلبى بحبك مش مظلوم
راضى بالقدر والمقسوم
مفيش حال بيدوم
حبك ظلام ونور
جمال وعبير الزهور
لسة الأمل ف الله
قلبى ينول مناه
دقيقة فى حضنك حياه
مهما م العمر طال
الشهد طعمه مرار
لحضنك بانتظار
*********
بقلم
عادل جاد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة