ارجوكى متبعديش
انتِ قلبى متزعليش
من صراحتى ومن كلامى
ما القمر واقف قصادى
لو حجر شافك هينطق
وانتِ عايزه محبكيش
مستحيل فا متبعديش
يا اللى صوتك لحن هادى
ريح الاعصاب تملى
ولا عينك مهما اقولك
عايزه شاعر يحتويهم بين ديوان
يكتب القصص اللى فيهم
بس خايف يعشقك لو بص فيهم
تيجى ف يوم متظهريش
يعيش سواح مع الدراويش
ارجوكى متبعديش
انتِ عارفه الحب وارد
والقدر مكتوب ما بينا
يجمع الناس ب إختياره
يكتب الحب ف سنين
وف ثوانى يكتب البعد اللى بينا
نفسى مره الحب يغلب
والقدر ما يتعبنيش
آلآقي ايدى ماسكه إيدك
وانتى معايه متخافيش
بس ارجوكى متبعديش
فاكره ساعه ما اتقبلنا
قولتى ليه متكسفنيش
دانا ساعتها يدوب لمحتك
طلعتى تجرى مستنتيش
بس كان نفسى ف ساعتها
آخدك فى حضنى متطلعيش
ارجوكى متبعديش
ومتزعليش من مشاعرى
ومن صراحتى ومن كلامى
كل واحد مننا عايز يعيش
جوه حلم ب يرسمه
جوه قلب بيعشقه
حتى لو بعده الزمان
بيفضل فى قلبه لازم يعيش
بس حاولى متبعديش
قلبى حبك غصب عنى
قولتى ايه متفكريش
ما انت برضه فيكى سحر
حد شافك ومحبكيش
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة